MISSION LEH DAM CHHAN
(Rom 14:7-8;Philipi 1:2)

NUN AWMZIA: Vawin thleng hian mi tamtak chuan nun tum mumal neilo hian kan nung a,nun awmzia neilo hian an hun an hmang thin.Mahni hmasial tak hian thu kan inzawta:Eng nih hi nge aw ka duh ber aw?ka damchhung ni ah hian engnge ka tih ang aw?Engnge ka thlen tum ber?Engnge ka tih hlawhtlin ka tumber?ka hmabak hun atan hian engnge ka lo suangtuah ve le?
 Tunge siam che?Enga tan a siam nge i nih?Heng thuzawhna chhang tur  hian Pathian hian Pathian Pathian inpuanchhuahna Bible atang chauh hian kan hrefh thei a ni.Kum sang tam tak ralta atang tawh khan nuna awmzia hi engnge mo ni le aw?tiin mithiamte (philosopher) chuan an lo chut thin a.A chhut chu an chhut thei a,mahse an hmu chhuak zo tak tak lo.Mahse keini kristian Pathian thu dik lo thei lo thuneihna sang ber,tehna
dik dikber a ni tih pawmtu te chuan “A thilsiamte nun kaihruaitu(directs-tu) chu Pathian a ni a,nunna hi a thu neihna hnuaiah a awm a ni”(job 12.10) a tih hi kan pawm thlap a ni.
        Pathianin min siam a, Pathian tana siam kan ni,tih kan hriat thiam emaw kan hriatchhuah tak tak hma lo chuan nuna hian awmzia a neilo a ni,Pathianin chhan mumal takin min siam a min siam chhan tipuitlingtur leh hlenchhuak tura siam kan ni tih hi i pawm phawt mai ang u.
BIBLE IN ENGTINNGE MIN HRILH:Siamtu ta kan nihzia tarlangin “Lalpa chu Pathian a ni tih hre rawh u.Min siamtu chu amah chu chu a ni a,ama ta kan ni”a ti”Pathianin ama anpuiin ama anpuiin mihring a siam a ,ama anpui ngeiin a ni a siam ni”tiin kan inlaichinna a sawi a(Gen.1:27).Amah avang mai a nung leh che kan ni tih min hrilhin”Pathian Thlarau chuan min siam a,enkimti theia thaw chuan nunna min pe(Job33:4) ........Tin, thawkna petu leh Thlarau petu a ni.”tiin min hrilh.Tin, “Ka ropuina tura ka siam a piangte chu,anmahni chu ka din a,anmahni chu ka siam a ni”(isaia43:7)a mah fakna puangzartutur kan ni tihmin hrilhin... “..mi fakna tilangtu tura ka siam a ni” tiin a puang chhuak(Isaia 43:20) ah “Amah atang leh amah avang leh amah  atan thil zawng zawng a lo awm a ni si a.(Rom 11:36).Siamtu leh thuneitu sang ber a ni tih sawiin “Nangmah siamtu ....Lalpa.. khawvel zawng zawng Pathian” a in ti a ni.chuvangin Amah thuneihna sangber vkawltu hriatlohna lehhmuhfiah lohna hian khawlohna ah min hruaiin “Mahni Siamtu hnialtu chu a chung a pik e” a ti hial a ni(Is.45:9). Pathian min siamtu min siam chhan hriatlohna hi kan tan chhiatna a ni. “Engkim ama siam a ni,ama ta tur bawka siam a ni(kor.1:16).
.                    ((phek lehlama zawmna)

   
 

(Tun tum Thalai Fuihtu issue hi Sunday hmasa khan offset chhiat avangin hard copy tih chhuah a nilova, mahse blogspot-ah hian rawn post hman a ni a, chuvangin a hmasa a mi pawh a awm nual ang tih kan han tarlang e.....Ed Thalai Fuihtu)

Date.10.5.2012

“Kei atan zawng Pathian hnaih hi a tha a ni;Lalpa Pathian chu ka inhumhimna ah ka hmang a”.               Sam 73:28   

 

KOHHRAN PROGRAMME

Pathianni Zing :-       Rev R.Zohmingliana
(‘Mission rawngbawlna Kohhran hnapui’ (Nauhlanna programme)
Solo                   :-       Nl.Lalhmangaihzuali

Pathianni  Zan :-       PP.V.Lalthlamuana   (‘Mission rawngbawlna tawngtai leh thilpekin’)  

Nilai        zân     :-       Rbt.Lalchhuanzika

Inrinni     zân    :-       Upa.C.Zathuama.

SERMON

CHHELNA LEH TAWNGTAINA
(Jakoba 5:13-18)

           “In zingah thilthalo tuar an awm em? Tawngtai rawh se hlim an awm em? Fakna hla sa rawhse, inzingah damlo an awm em? Kohhran Upa kohtir sela anin Lalpa hminga hriak hnawih in a chungah tawngtai rawhse, tin a rinna tawngtaina chuan damlo chu a chhandam ang a Lalpa chuan a ni chu a kaitho vang, tin thil a lo tihsual tawh chuan ngaihdam sak a ni ang. Chutichuan tih dam a i awm theih nan in sualte thupha chawi tawn ula in tawngtai sak tawn thin rawh u, mifel tawngtaina chuan thil nasa tak a ti thin. Elija chu kei mahni nungchang ang pu mihring bawk a ni a. a ni chuan ruah sur loh nan thahnem ngai takin a tawngtai a, tin kum thum leh thla ruk chhung zawng lei chungah ruah a sur ta lova. Tin, a tawngtai leh a vanin ruah a sur tir a leiin a rahte a rawn chhuah tir ta a.”

            Kan Pathian hian tawngtai thil tihtheihna hi min hrilh chiang hle ti rawh u, rin ngamna neiturin min fuih tha hle a ni. Mihring finna a thu sawi that leh fiah pawh ni lovin a rinawmna leh takna in min hrilh hi Zoram kohhran ringtute hian man chiang ila chuan ti em em hian sual thiltih theihna hi a huangtau lovang. Sualin hna a thawh thatdan atang hian kan ringtu nihna hi a nep hle hlawm in a lang, rinawmnate, thianghlimnate, finna thlarauvah kan tlachhamin Krista retheihna tawmpui leh tuarna tawmpui nunte a hmangaihna tawmpui nunte hi kan neih loh avang pawh a ni ang.         Zoram ah hian Krista a Lal lova sual thupha chawi ngaiin kan awm a ,Pathian thinurna kan tawng baw tep a ni, mithahnemngaite kan hma a mi huai kal hmasa ten awm dan tur min lo hrilh nasat zia hi chhut chiang ila chuan tun dinhmunah hian kan awm lo vang. Tawngtaina hi thu maia sawi uar lovin a taka nun puitu chenchilh tak tak tu chuan a rah a hmu ang hian kei ni ringtu nu leh pa, nula tlangvalte hian i chen chilh ve ngam ang u. Elija ang hian tawngtai i taima ve ang u, tawngtaina ti thate leh Pathian tana in pe tha sawi mai lovin thil tha tih hmuhtu ni zawk theuh ang u, tawngtai dam thei Lal Isua kan neih hi chiang ang u. Thufing bung 3 ah “khawngaih na leh thu tak chuan hnuchhawn che suh se i nghawngah zem tlatla i thinlung phekah ziak rawh tichuan Pathian leh Mihring mit hmuhah duhsakna leh hming thatna i hlawh dawn nia, i thinlung zawng zawngin Lalpa ringla nangma hriatnaah in nghat suh”tiin min hrilh a ni,

    Tunlai ringtu te hi chu mahni hriatna ah Programme rawngbawl hi kan ni deuh tawh hlawm hian a lang,chanvo min pe vek mite, milian, mingo, mihang, kan theih tawk tur ah hian mawh phurhna min pe vek a ni, chanvo min pek chu i piangthar tur a ni tih hi. Tumah hi in dahawl turin min ti lo ang khat vekin min hmangaihna hi amah hmangaihve turin chanvo min pe vek a ni i hre chiang ang u aw. Chhia leh tha hria hi chu tumah min hmaihlo kan damna tur leh lawmna tur chanchin tha in chanvo min pe a ni, tumah hi min hmaih lova kan thil tih ang zelin ro min rel sak dawn a ni, thimhnuaia thute tan tawngtai chanvo a pek vek kan ni piangthar zawng zawng hi min hmaih lo a ni.

            Lalpan malsawm rawh  se.

 

VAWIIN  TKP  FELLOWSHIP

PROGRAMME

               Hruaitu          : Lalrinngheta Sailo

                   Tantu         : Lalrampari Sailo

             Thupuan          : Unit Secy & Sub-Comt

       Tawngtairual

      Bible chhiartu         : Lalhruaitluanga

          Hlathlangtu         : Lalrempuii

            Sport item         :  ‘Master Mind’

                  Led by         : Robert Lalengliana

  

TKP June thla chhunga chanvo  neitute:

 (3rd June.12  -  29th.June.12)

 Zai hruai & Hlahril: Praise Group TKP CVT

             

  USHER   

Pc.Lalrammawia

 K. Lalawmpuii

        Pc.Lallianzama       

 

SUNDAY ZAN INKHAWMBAN TAWNGTAI HRUAITU

Tv.C.Lalbeiseia 

 

EDITORIAL :-

Mission leh Thalai.......Tuntum chu heti lam hi han hawi leh lawk ila.

             Pathian mission hi thalai te  kutah a awm tlat a,Kohhran hian mission hi nu leh pa kutahte dah dawn ta ila,Pathian thil ruahmanna hi kan lo bawhpelh mai a ngem?pitar putar kutah dah ta ila kan inthiam chiah a ngem?

             Thuthlunghlui hun atang khan Pathianin a thiltum ti puitling tur hian Thalaite a hmang tangkai duh a ni ang.an thatlai ni hian a ko tlat thin a ni.Bible ah lo en i la;Josefa kha a tleirawl lai atangin Lalpa hmanrua atan mak takin Pathianin a thlang a,kawng hreawm leh bumboh tak kha a zawh a.Nimasela pharoa sorkarna hnuai ah Pathian chu mi zawng zawngin an hriat phah a ni.Tin,Mosia pawh kha Aigupta finna leh hriatna zawng zawngte zir chhuakin University student a nih laiin a ko chhuak a nih kha.heilo pawh hi thuthlunghlui lam ah Davida te,Jeremia te pawh an ni.Tichuan thuthlungthar hunah pawh hian Pathianin Thalaite hi a thlang a ni tih chiang takin a lang thei.Lal Isuan zirtirte a thlan pawh khan Thalai theh thawh a ni a thlan ni,Paula te pawh lehhathiam,Gamaliela ke bula seilian,dan hremi a ni,stephana an denhlum lai pawh khan tlangval a ni tih chu a lang a ni.Tin, Timothea pawh hi tleirawl sual nei lo la naupang tak ni chungin Evangilish lar tak a ni ngat a ni.Tin,khawvel history ah pawh hian Billy Grahama hi tleirawl lai a piangthar ni in evangilist lar tak a ni thei a ni.kan sawi seng lovang,Kan ramah ngei pawh hianEvan Lalchungnungate,Evan Lalthlamuana te bakah,Kan pastorte leh kan Missionary-te pawh an thatlai/nulat leh tlangval laia a Pathian kohna dawngtu deuh vek an ni.Chuvangin Pathian mission a thawk ve tur hian thalaite Pathianin a duh tlat a ni.hei hi thalaite pawhin kan ta a ni tiin Mission hi Thalai tan i hauh ngam ang u.Midangte tihturah i dah lovang u.Kan hma a ni,kan ta a ni, kan tihtur a ni.  

 

Article

HRIATZAUNA   HUANG
(THALAITE PUAL)

                                                                                                                                                                                                                                                                                                                 LV.Malsawma.

   

               PANGPAR KHAWIMAWI: Tun tuma kan thupui “Pangpar khawimawi” sawi tur chuan ka senior lu deuhin, ka in hria a; mahse ka inkhawm changa, Biakin kawngkhar ka thlen phat a, ka mit la hmasa ber thin tu chu Pulpit-a Pangpar khawi hi a ni ziah a; hlim hmel pu takin mi welcome ni berin ka hre thin. Chuvangin, ka inhmeh lo ti chung siin, ka in sum lo mai awnge. Thalaite pual a ni bawk a, sap tawng erawhchu a in zep nual ang:-

                IKEBANA :- Pangpar khawi hi hmasang atangin Japan ho Culture-ah a bet tlat   a; a khawi mawi chang pawh nilovin, a chin lampang pawh an uar bawk. An Compound-ah tapchhak tia lek pawh hmunawl awm se, pangpar an ching khat tlat zel. Tin, pangpar chang pawh nilo, thing a zar mawi chite pawh te reuhte in, inchhunga khawi dante an thiam a. Japan ho ngaihdanah chuan pangpar hi a siamtu Pathian faktu leh chawimawitu a ni a, mihring thinlungah pawh thu tam tak an sawi thei a; pangpar leh a khawitu inkarah pawh inkungkaihna thui tak a awm thei; entirnan:- rilru hlim taka khawi leh rilru ngui taka khawi a dang tlat a; thinrim teuh chunga khawi phei chu khawi mawi a har an ti thin; a dik duh hmel. Chhiatni  thatni-ah te leh function chi hrang hrang neih ni khua-ah te pangpar khawi mawi chu an hnehsawh lutuk. Heng bakah hian an chin dan pakhat chu, Vantlang hmun  - Airport terminal, Bus leh rail station velahte Pot hmangin awmze nei takin an khawi thin a. hetianga an khawi hi tuman lak emaw tichhiatsak emaw an ti ngai lova. chu ahnehin khatia an khawi khan an thinlungah thusawi neih anga hria apiangin Poem or thu mawi tak tak phuahin chu pangpar Pot-ah chuan an dahsak zawk thin a; literature lama hmasawnna a lo ni bawk nen. Tin, Japan nu hovin an pasalte lakah lungawi lohna nei ta ang sela, in tumkhum emaw Korean hmeichhiate anga ring deuh deuh a in chhuahchhal emaw an ti ngai lova, an lungawi lohna lantirnan pangpar awmze nei takin an khawi ta zawk thin a, hemi hmang hian an pasalte an inhmuhchhuah phah a, an awmdan diklo te an sim vat zel thin. Mingo Tourist nula pakhat pawhin “Valentines Day bawr vel laia, Japan ram tlawhna chang hre lo chu lenlai chan anni ringawt e”  a ti hial a. hemi ni bawr vela an pangpar khawi mawi dan leh an in present dante chu a romantic thei hle awm e.Kan sawi seng lovanga, khawimawi dan chikim piah lamin an thiam a, khawvelah pawh “TOP’ nih an hauh reng thei a ni.

        Hetianga pangpar an sawngbawl dan leh an cheimawi thiam dante hi Japan ho chuan, a chunga thumal tarlan “IKEBANA” an ti a; Saptawng chuan “Art of Japanese method of flower arrangement” a ni duah a, a Mizotawng chuan “Japan ho pangpar khawimawi dan” ti ta mai ila, a dik thovang chu.

        Nula hovin Puanthui, samsiam etc. an zir thin ang hian “IKEBANA” pawh Institution thenkhatah chuan Certificate nei thei turin a zir theih a. College leh University thenkhatin “IKEBANA” hi Diploma/Degree leh Master degree thlengin  Subject pakhat angin a offer bawk.

        Tin, Central Service Exam-a an GK paper-ah he thumal “IKEBANA” hi tlar 2/3 leka sawi tura an set vawi hnih lai ka hre tawh a, tunlai khawvelah a lar ta hle a ni ang e.

(Article tha tak min ziah sak thin avangin Pu.LV.Masawma i chungah  lawmthu kan sawi  e,Ziak zel thei turin Lalpan ti chak zel che rawh se.-Ed)    

        BIBLE SOCIETY LEH THE LEPROSY MISSION (TLM) CHUNGCHANG :-       

                     Kan  kohhran BCM Chanmari Vengthlang hnuaia Bible Society leh TLM dinhmun leh he rawngbawlna a mawhphurtute kohhran mipuite hriat turin ka han tarlang a ni.

1. BIBLE SOCIETY :- (a) chief Patron Member zat - 11 no.s b) Patron Member - 91 no.s         (c) Life Member - 193 no.s (d) Memorial Gift Member - 25 no.s

(e) Anniversary Gift Member - 11 no.s                (f) Bible - A - Month Member - 6 no.s

                    Chief Patron member-ah hian kan kohhran (BCM chanmari Vengthlang) leh BKHP, Chanmari Vengthlang Unit pawh an tel ve a; tin, patron Member-ah hian BMP leh TKP Chanmari Vengthlang Unit-te an tel bawk ani. Tin, Tuna Upa leh rawngbawltute zingah hian BSI Member dinhmun chu heting hi a ni.- (a) Chief Patron - 5 no.s   (b) Patron - 16 no.s    (c) Life - 6 no.s. Eng Member mah la nilo te hi 3 kan rawngbawltute zingah hian an la awm a ni.

    Tuna Upa Bial tina BSI Collector te chu:-

(a) BIAL I-na     : Pu C. Lalthanzuala 

(b) BIAL II-na     - Rbt. Pu B.Lalchhuanzika    

(c) BIAL III-na   : Upa F.Lallawma 

(d) BIAL IV-na    - Pu K. Lalthianghlima 

(e) BIAL V-na   : Rbt. Pu LH.Vanhmingliana 

(f) BIAL VI-na    - Pu B.Lalramenga

(g) BIAL VII-na: Rbt. C. Lalthianghlima 

(h) BIAL VIII-na  - Pu R. Tlanthanga

(i) BIAL IX-na: Upa R.Sangliana 

(j) BIAL X-na - Upa H. Dengthanga

(k) BIAL XI-na: Rbt. Lalmalsawma

(i) BIAL XII-na - Tv. Joseph Liansangpuia

2. THE LEPROSY MISSION :- a) Founder Gift Member - 9 no.s (b) Patron Member - 27 nos.

c) Life Member -26 nos. (d) Memorial gift Member - 4 nos. (e) Anniversary  gift Member - 1 nos.

    Life Member -ah hian kan Unit TKP pawh a tel a ni. Tin, Upa leh Rawngbawltute Member nih dan chu hetiang hi a ni.

(a) Founder Gift  Member - 5 nos.                        (b) Patron Member - 5 no.s (c) Life Member - 5 nos.

    The Leprosy Mission (TLM)-ah hi chuan “Collector” hming vuah ni ve lovin, “Promoter” tih a ni thung a ni.

    Hengte hi Promoter-te chu niin, an Bial mawhphurhnate pawh an hming zawna tarlante hi a ni.-

(1) Rbt. PC. Laltlanthanga    -    Upa Bial 1 & 2     (2) Upa F. Lallawma             -    Upa Bial 3

3) Upa Lalthangluaia Sailo    -    Upa Bial 4 & 5     (4) Pi C. Lalhmingthangi    -    Upa Bial 6 & 7   (5) Rbt PC Thanzama      -    Upa Bial 8 & 9           (6) Pi Ngurthantluangi    -    Upa Bial 10 & 11   (7) Upa R. Sangliana               -    Upa Bial 12

      Heng Bible society leh TLM-a kohhran chhungkaw rawngbawlnate hi Pathian ram zau nan an pawimawh em em a, Kohhran envelope-a kan thla tin thawhlawm ngai pawimawh ber chung si a luanchhuan zauh zelna kawng pawimawh tak a ni a, hmasawn zel i tum theuh ang u.

 

 

  I rawngbawlpui,

  -sd/-

  (UPA R.SANGLIANA)

 BSI Committee Chairman

  &

TLM Promoter

BCM Chanmari Vengthlang  

 

SUNNA

    Kan kohhran member duhawm tak, Pu.JC.Lalzawna chuan Dt.31st.May.12 khan a thlakhlelh em em Kohhran  hote chatuan ramah   min  lo chawlh san ta,Kohhran in kan ui in a rawngbawlna hlu tak hi kan theihnghilh ngai lovang,a kalsan tak a chhungte kan tuarpui in, Lalpan thlamuan zel che u rawh se.

             

TKP HUANG

  Dt.7th.June.12 khan Unit Ex-commt neih a ni a,thurel hriattur pawimawh thenkhat kan han tarlang a ni e:-

#### Unit planning TKP sports neih turah inbuatsaihna a kal zel a, tunah hian Jersey 3-set pawh chah fel tawh a ni a,Tin Vawin fellowship ah hian sports Item Pakhat ‘Master Mind’ hmangin hun kan hmang dawn a ni,Members te rilru leh taksa in lak fit char char a ngai a ni. e.Tin sports Item Pakhat siam belh a ni a kan nula ten penalty hmangin inelna a awm dawn bawk a ni.

 

#### Serampore Convocation,2013 tanpuina thawh tur a Kohhran secy hnen atanga lehkha kan hmuh chu thawh ve tha tih a ni a,` 5000 /- in tanpuina pek a ni.

 

#### Secretary, AVBD(Blood donation campaign turin hun min rawn dil a, min dil ang hian remtih a ni a.a hun atan July 22nd ah neih tur a ni e.

#### TKP Ramthim ni kan hman zawh tak ah khan BiakIn bul tuiluan kawr tifai in  hnatlang neih a ni a ,heta kan thingpui in na leh kan lawmman atan Chanmari VC ten pawisa engemaw zat min pe a ,Chanmari VC te chungah Unit TKP CVT te kan  lawm tak meuh meuh a ni.Chanchinbu kaltlangin lawmthu kan sawi a ni e.Tin,helai kawr hi a thianghlim reng theih nan Bawlhhlawh paih nan helai in hnai vai ten i hmang lo hram ang u.

 

#### Thalai Entu man la pe lo ten a rang lamin pek theuh i tum ang u.Unit Asst secy Tv.K Lalrithanga hnenah kan pe dawn nia.

 

#### Kan unit member ,AICS a BD zir mek Tv.Lalmuanawma Renthlei chuan Leitlangpui lamah chawlh a rawn hmang mek a ni,a duh tan chawei ah a sawm theih  e.

 

#### TKP Ramthim ni kan hman zawh tak ah khan BiakIn bul tuiluan kawr tifai in  hnatlang neih a ni a ,heta kan thingpui in na leh kan lawmman atan Chanmari VC ten pawisa engemaw zat min pe a ,Chanmari VC te chungah Unit TKP CVT te kan  lawm tak meuh meuh a ni.Chanchinbu kaltlangin lawmthu kan sawi a ni e.Tin,helai kawr hi a thianghlim reng theih nan Bawlhhlawh paih nan helai in hnai vai ten i hmang lo hram ang u.

 

#### Thalai Entu man la pe lo ten a rang lamin pek theuh i tum ang u.Unit Asst secy Tv.K Lalrithanga hnenah kan pe dawn nia.

 

#### Kan unit member ,AICS a BD zir mek Tv.Lalmuanawma Renthlei chuan Leitlangpui lamah chawlh a rawn hmang mek a ni,a duh tan chawei ah a sawm theih  e.

        GROUP NEWS

Group I   : Telephone directory an buaipui meka reilo te ah hralhchhuah theih a ni ang,Tin,Euro Fixture lei tur an la nei a mahmawh kan awm chuan Group secy hnenah ngaihven theih a la ni e.

 

Group II : Lehkhachhia  an la  khawn zel a lehkha chhia lo khawl zel turin chhungtin te an ngen a ni.tin pumpui chakna an la zuar mek zel,an ni group hian hriselna lam an ngaipawimawh  khawp mai, an leader pawh a pumpui a chak tawh khawp mai an ti,sports tur pawhin an in fit tawh hle niin thu kan dawng.remchang hmasa ber ah Ex-commtt neih tum a ni.
 

Group III :    Bankhur laih hnatlang an thawk mup mup reng mai,inhlawhna siamsak tu te chungah lawmthu an sawi e.Tin,an leaderin a groupte Sports ah pakhatna ni turin a fuih sauh sauh mai,amah pawhin Football boot thar a lei tawh a ni awm e.,tin,Thawhtan atang hian thing eh lam an tan leh dawn ta,members a tam thei ang ber thawkchhuak turin Group hruaitu ten an ngen a ni.